e-Shram card എന്താണ്? ആർക്കൊക്കെ എടുക്കാം.?

രാജ്യത്തെ അസംഘടിത തൊഴിലാളികൾക്ക് ആധാറിനു സമാനമായി ഇനി 12 അക്ക യൂണിവേഴ്സൽ അക്കൗണ്ട് (UAN) നമ്പറും, കാർഡും ഏർപ്പെടുത്തുന്നു.

സർക്കാർ ക്ഷേമപദ്ധതികൾക്ക് ഈ നമ്പർ ആയിരിക്കും ആധാരം.

അസംഘടിത തൊഴിലാളികളുടെ വിവരം ശേഖരിക്കുന്ന ഇ-ശ്രം പോർട്ടലിലാണ് കാർഡിനും നമ്പറിനുമായി അപേക്ഷിക്കേണ്ടത്.

രജിസ്ട്രേഷൻ പൂർത്തിയാക്കുന്നവർ പ്രധാനമന്ത്രി സുരക്ഷാ ബീമാ യോജനയുടെയും ഭാഗമാകും. അപകടം മൂലമുള്ള മരണത്തിനോ വൈകല്യത്തിനോ രണ്ടു ലക്ഷം രൂപയുടെ ഇൻഷുറൻസ് പരിരക്ഷ ലഭിക്കുന്ന പദ്ധതിയുടെ ആദ്യവർഷത്തെ പ്രീമിയം സർക്കാർ അടയ്ക്കും.

സമാനമായ മറ്റു ഇൻഷുറൻസ് പദ്ധതികളുമായും ബന്ധിപ്പിക്കും,

രജിസ്ട്രേഷന് ആധാർ നിർബന്ധമാണ്

ഈ വിവരശേഖരണം അനുസരിച്ചായിരിക്കും പല ദുരിത ഘട്ടങ്ങൾ ഉണ്ടാകുമ്പോൾ സഹായം നൽകുക.

UAN നമ്പർ എങ്ങനെ ലഭിക്കും?

ഈ ശ്രമം പോർട്ടൽ വഴി സ്വന്തമായോ സർക്കാർ സേവനങ്ങൾ ലഭ്യമാക്കുന്ന കോമൺ സർവീസ് സെൻററുകൾ വഴിയോ (CSC) അപേക്ഷിക്കാം.

ആർക്കൊക്കെ അപേക്ഷിക്കാം?

⊛ അസംഘടിത മേഖലയിൽ ജോലി ചെയ്യുന്ന ആർക്കും അപേക്ഷിക്കാം.

⊛ 16 നും 59 നും പ്രായപരിധിയിലുള്ളവർക്ക് മാത്രമാണ് രജിസ്റ്റർ ചെയ്യാൻ കഴിയുക.

⊛ EPFO, ESIC എന്നീ പദ്ധതികളിൽ അംഗമായിരിക്കരുത്

⊛ ആദായ നികുതി അടക്കുന്നവരാകരുത്

അസംഘടിത തൊഴിലാളികൾ ആരോക്കെ ?

• ചെറുകിട, നാമമാത്ര കർഷകർ,

• കാർഷിക തൊഴിലാളികൾ,

• മത്സ്യത്തൊഴിലാളികൾ,

• മൃഗസംരക്ഷണത്തിൽ ഏർപ്പെട്ടിരിക്കുന്നവർ,

• ബീഡി റോളിംഗ്,

• ലേബലിംങ്ങും, പാക്കിംങ്ങും,

• കെട്ടിട നിർമാണ തൊഴിലാളികൾ,

• തുകൽ തൊഴിലാളികൾ,

• നെയ്ത്തുകാർ,

• ആശാരിമാർ,

• ഉപ്പ് തൊഴിലാളികൾ,

• ഇഷ്ടിക ചൂളകളിലും, കല്ല് ക്വാറികളിലുമുള്ള തൊഴിലാളികൾ,

• മില്ലുകളിലെ തൊഴിലാളികൾ,

• മിഡ് വൈഫുകൾ,

• വീട്ടുജോലിക്കാർ,

• ബാർബർമാർ,

• പഴം, പച്ചക്കറി കച്ചവടക്കാർ,

• ന്യൂസ് പേപ്പർ വെണ്ടർമാർ,

• റിക്ഷാ വലിക്കുന്നവർ,

• ഓട്ടോ ഡ്രൈവർമാർ,

• സെറികൾച്ചർ തൊഴിലാളികൾ,

• മരപ്പണിക്കാർ,

• ടാറിങ്ങ് തൊഴിലാളികൾ,

• പൊതു സേവന കേന്ദ്രങ്ങൾ നടത്തുന്നവരും, ജോലിക്കാരും,

• തെരുവ് കച്ചവടക്കാർ,

• തൊഴിലുറപ്പ് തൊഴിലാളികൾ ( MGNREGA )

• ആശാ വർക്കർമാർ,

• പാൽ പകരുന്ന കർഷകർ,

• കുടിയേറ്റ തൊഴിലാളികൾ

തുടങ്ങിയ എല്ലാ മേഖലയിലും ജോലി ചെയ്യുന്നവർക്ക് രജിസ്റ്റർ ചെയ്യാം.

ആവശ്യമായ രേഖകൾ

ആധാർ

ആധാറുമായി ബന്ധിപ്പിച്ച മൊബൈൽ നമ്പർ

ബാങ്ക് അക്കൗണ്ട്

സ്വന്തമായി അപേക്ഷിക്കാനും കഴിയും?

1️⃣ https://register.eshram.gov.in/എന്ന സൈറ്റിൽ

2️⃣ Self registration എന്നതിന് താഴെ ആധാറുമായി ലിങ്ക് ചെയ്ത മൊബൈൽ നമ്പർ നൽകി താഴെ തന്നിരിക്കുന്ന ക്യാപ്ച്ച കറക്റ്റ് ആയി ടൈപ്പ് ചെയ്യുക..

3️⃣ EPFO, ESIC എന്നിവയിൽ അംഗം അല്ലെന്ന് ഉറപ്പുവരുത്തുന്നതിന് NO എന്ന് ടിക്ക് മാർക്ക് നൽകി Send OTP ക്ലിക്ക് ചെയ്ത് ഫോണിൽ വരുന്ന OTP നമ്പർ നൽകുക..

4️⃣ ആധാർ നമ്പർ നൽകുമ്പോൾ വീണ്ടും ഫോണിൽ ലഭിക്കുന്ന OTP നൽകി മുന്നോട്ടുപോവുക, ഇതോടെ ആധാറിലെ ചിത്രവും വിവരങ്ങളും ദൃശ്യമാകും..

5️⃣ അത് കൺഫോം ചെയ്തു തുടർന്ന് ഇ-മെയിൽ, പിതാവിന്റെ പേര്, രക്തഗ്രൂപ്പ്, നോമിനി തുടങ്ങിയ വിവരങ്ങൾ നൽകുക..

6️⃣ സ്ഥിരമായ വിലാസവും നിലവിൽ താമസിക്കുന്ന സ്ഥലത്തിന്റെ വിലാസവും നൽകുക.. എത്ര വർഷമായി ഈ സ്ഥലത്ത് ഉണ്ടെന്നും വ്യക്തമാക്കണം.. മറ്റു സംസ്ഥാനങ്ങളിലെ തൊഴിലാളി എങ്കിൽ അതും അറിയിക്കണം..

7️⃣ വിദ്യാഭ്യാസ യോഗ്യതയും പ്രതിമാസ വരുമാനവും രേഖപ്പെടുത്താം, ശേഷം ജോലി വിവരങ്ങൾ നൽകണം..

8️⃣ ആധാറുമായി ബന്ധിപ്പിച്ച ബാങ്ക് അക്കൗണ്ട് തിരഞ്ഞെടുക്കാം, ഇല്ലെങ്കിൽ മറ്റൊരു അക്കൗണ്ട് വിവരങ്ങൾ നൽകുകയും ആവാം..

9️⃣ വിവരങ്ങൾ കൺഫോം ചെയ്യുമ്പോൾ OTP ലഭിക്കും അതോടെ രജിസ്ട്രേഷൻ പൂർത്തിയാകും..

⏬ തുടർന്ന് UAN നമ്പറുള്ള കാർഡ് ഡൗൺലോഡ് ചെയ്യാം..

UAN നമ്പർ ഫോണിലും എസ് എം എസ് ആയി എത്തുകയും ചെയ്യും..

സംശയ നിവാരണത്തിന് 14434 എന്ന ടോൾ ഫ്രീ നമ്പറിൽ വിളിക്കാം..

join our whatsApp group

https://chat.whatsapp.com/HO57PmIpPII87EV0LlQcwy

Go website Home